ევროპული საქართველოს წევრი, ირაკლი აბესაძე, სალომე ზურაბიშვილის განცხადებას ეხმაურება. აბესაძის თქმით, ეს არის პირდაპირი აღიარება თითქოს პოლიტიკურად ნეიტრალური პრეზიდენტისაგან, რომ ის პირდაპირ ემორჩილება ბიძინა ივანიშვილის მიმართ.

"ეს არის მორიგი, ძალიან ნათელი დადასტურება და პირდაპირი აღიარება ზეპარტიული, თითქოს პოლიტიკურად ნეიტრალური პრეზიდენტისგან, რომ ის არის პირდაპირ მორჩილებაში არა მმართველი პარტიის, არამედ კიდევ მისი მმართველის, ბიძინა ივანიშვილის მიმართ და რა თქმა უნდა, ეს არის მორიგი აღიარება, რომ არა მხოლოდ პრეზიდენტი, ზოგადად სახელმწიფო ინსტიტუტები არიან პირდაპირ, მონურ მორჩილებაში მმართველი პარტიის თავჯდომარის", — ამბობს აბესაძე.

მისი თქმით, ეს გავს კომუნისტურ წყობას, როდესაც სახელმწიფო უწყებების ვალდებულებები და მოვალეობები მხოლოდ ფორმალური ხასიათის იყო.

"ეს არის ის წყობა და მმრათველობა, რაც გვქონდა კომუნისტური პარტიის პერიოდში. როდესაც პარტიის მმართველები იყვენენ განმსაზღვრელი და გადაწყვეტილების მიმღებები და არა ოფიცილაური უწყებები და შესაბამისი დაწესებულებები, რომელთაც კონსიტუციური ვალდებულებები და უფლებამოვალეობები აქვთ.

ეს არის ის, რასაც სჭირდება გარდამტეხი ცვლილებები ამ ქვეყანაში, რადგან თუ სახელმწიფო ინსტიტუტების მოქმედება განსაზღვრავს ერთი ადამიანი, ამას მივყავართ ჩვენ იმ უმძიმეს კრიზისამდე, რაც დღეს გვაქვს და სწორედ ეს უნდა შეიცვალოს და გადავიდეთ დემოკრატიულ, კოალიციურ მმართველობაზე, რომელიც გამორიცხავს ერთი კაცის ახირებებით მმართველობას და გადაწყვეტილებების მიღებას", — აცხადებს აბესაძე.