რესპუბლიკური პარტიის ყოფილი ლიდერი დავით უსუფაშვილი არ გამორიცხავს, რომ პარლამენტის საკონსტიტუციო კომისიის განხილვებში, როგორც მოქალაქე და პოლიტიკური ლიდერი, ისე ჩაერთოს. ამის შესახებ მან გაზეთ კვირის პალიტრასთან ექსკლუზიურ ინტერვიუში ისაუბრა.

მისივე განცხადებით, მიუხედავად შემოთავაზებისა, მან ირაკლი კობახიძეს უარი უთხრა, რადგან თავად გეგმავს აქტიურ პოლიტიკურ საქმოანობას:

"კონსტიტუციას ჩემს პროფესიულ საქმიანობაში მთავარი ადგილი ეჭირა და მომავალშიც ასე იქნება, თუმცა, ასეთ საქმინობაში ჩართვას თავისი წესი და ფორმატი აქვს. უახლოეს მომავალში აქტიურ პოლიტიკურ საქმიანობას ვგეგმავ, ამიტომ საკონსტიტუციო კომიისაში მიუკერძოებელი ექსპერტის როლში ვერ ვიქნებოდი. როდესაც ირაკლიმ დამირეკა, მასაც სიტყვასიტყვით ავუხსენი - არც ჩემგან და არც მისგან არ იქნებოდა ლამაზი კომისიაში სპეციალური კრიტერიუმებით ჩავრთულიყავი, თანაც ჩემი პოლიტიკური გეგმებიდან გამომდინარე უხერხულობას შევუქმნიდი ირაკლისაც. მიუხედავად ამისა, ყურადღებით დავაკვირდები პროცესებს".