აზერბაიჯანის პრეზიდენტის, ილჰამ ალიევის თქმით, აზერბაიჯანის არმიამ ყარაბაღის 7 სოფელი აიღო.

"დღეს აზერბაიჯანის არმიამ გაათავისუფლა ტერტერის რაიონის სოფელი თალიში, მეჰდილი, ჩახირლი, აშაგი მარალიანი, ჯაბრაილის რაიონის სოფლები შეიბეი და გუიჯაგი, ფუზულის რაიონის აშაგი აბდურახმანლი", — დაწერა ალიევმა ტვიტერზე.

3 ოქტომბერს ილჰამ ალიევმა, ასევე, დაწერა, რომ აზერბაიჯანულმა არმიამ სოფელი მადაგიზის თავზე დროშა აღმართა.

27 სექტემბერს მთიან ყარაბაღში სამხედრო დაპირისპირება განახლდა. სომხეთი და აზერბაიჯანი პროვოცირებაში ისევ ერთმანეთს ადანაშაულებენ, თვითაღიარებული ყარაბაღი კი მომხდარზე პასუხისმგებლობას აზერბაიჯანის პრეზიდენტს ილჰამ ალიევს აკისრებს.