31 დეკემბერს მრგვალ ბაღში ველოსიპედი დამონტაჟდა, რომლის სატერფულის ტრიალის დროსაც ბაღში საახალწლო ნათურები ინთებოდა:

"დაატრიალე ველოსიპედი და გაანათე ბაღი!" - წერდა ფეისბუკზე პროექტი წრე.

თუმცა 2 იანვარს ველოსიპედების ნაწილი დაზიანებული ან მოპარული იყო:

"რამდენიმე ადამიანმა ეს პროექტი საფრთხის ქვეშ დააყენა. ერთი დღის განმავლობაში მოიპარეს, დააზიანეს ველოსიპედები, საახალწლო განათებები და ეგრედწოდებული დინამოები, რომლებიც ენერგიას გამოიმუშავებდა. ამის შემდეგ იძულებული გავხდით ინსტალაციის დარჩენილი ნაწილი ჩვენ თვითონვე მოგვეხსნა".

როგორც წრე წერს, მათ სამომავლო გეგმები აქვთ, რომლებსაც, მიუხედავად ამ ინციდენტისა, 2017 წელს განახორციელებენ.