ექიმ ვახტანგ ყიფიანს პატიმრობა გირაოთი შეეცვალა და პატიმრობიდან გათავისუფლდა. ამის შესახებ საქალაქო სასამართლოში On.ge-ის დაუდასტურეს.

თბილისის ცენტრალური საავადმყოფოს ექიმმა პაციენტი დაარწმუნა, რომ ქირურგიულ ოპერაციას იტალიიდან მოწვეული ექიმები ჩაუტარებდნენ, თუმცა ოპერაცია, შესაბამისი ლიცენზიის გარეშე, თავად გაუკეთა. აღნიშნულ საქმეზე კლინიკის თბილისის ცენტრალური საავადმყოფოს ექიმი, დირექტორი და კიდევ ერთი პირი დააკავეს.

სამართალდამცავებმა კლინიკის დირექტორი ვახტანგ ყიფიანი დააკავეს, რომელმაც, პროკურატურის განმარტებით, თავისი სამსახურებრივი მოვალეობა ჯეროვნად არ შეასრულა.

ოპერაციის ჩამტარებელ ექიმს საქართველოს სისხლის სამართლის კოდექსის 180-ე მუხლის მეორე ნაწილის "ბ" და მესამე ნაწილის "ა" ქვეპუნქტებით წარედგინა, რაც გულისხმობს თაღლითობას და სამსახურეობრივი მდგომარეობის გამოყენებას, რამაც მნიშვნელოვანი ზიანი გამოიწვია. ასევე, მას ბრალი წარდგენილი ჰქონდა 246-ე მუხლის I ნაწილით წარედგინა, რაც გულისხმობს უკანონო საექიმო საქმიანობას, რამაც ჯანმრთელობის დაზიანება გამოიწვია.

კლინიკის დირექტორს ბრალი წარედგინა სისხლის სამართლის კოდექსის 2201-ე მუხლის მეორე ნაწილით წარედგინა, რაც გულისხმობს გულგრილობას, რამაც გამოიწვია ადამიანის სიცოცხლის მოსპობა ან სხვა მძიმე შედეგი.

18 აგვისტოს ჯანდაცვის სამინისტროსთან, დაკავებული ექიმის, ვახტანგ ყიფიანის საქმესთან დაკავშირებით ექიმების აქცია გაიმართა. აქციაზე შეკრებილნი იყვნენ 33 სამედიცინო ასოციაციის ექიმები და ვახტანგ ყიფიანის წინასწარ პატიმრობაში დატოვებას აპროტესტებდნენ.

საქართველოს სამედიცინო ასოციაციების გაერთიანების წარმომადგენლის თქმით, სოლიდარობას უცხადებენ დაკავებულ კოლეგას და მოითხოვენ მის გათავისუფლებას. ექიმების განცხადებით, რეგულირების სააგენტოს აქტი, რომლითაც პროკურატურა ხელმძღვანელობს, არ პასუხობს თანამედროვე მედიცინის მოთხოვნებს და მის გადახედვას ითხოვენ.

ექიმმა ოპერაცია მოტყუებით და ლიცენზიის გარეშე ჩაატარა, პაციენტი კომაშია — პროკურატურა

დაკავებული ექიმის გათავისუფლების მოთხოვნით ჯანდაცვის სამინისტროსთან ექიმების აქცია გაიმართა