ხუთშაბათს, სირიის დედაქალაქ დამასკოში, რუსეთის საელჩოს ტერორისტებმა ცეცხლი გახსნეს. ინფორმაციას ამის შესახებ RIA NOVOSTI რუსეთის საგარეო საქმეთა სამინისტროს განცხადებაზე დაყრდნობით ავრცელებს.

სააგენტოს ცნობით, მებრძოლების ნასროლი ყუმბარა საკონსულოს შესასვლელთან ახლოს აფეთქდა, თუმცა ინციდენტის შედეგად არავინ დაშავებულა.

"კიდევ ერთი თავდასხმა რუსეთის დიპლომატიურ მისიაზე არის დაუშვებელი და იმსახურებს დასჯას" - განაცხადა რუსეთის საგარეო საქმეთა სამინისტროს წარმომადგენელმა.