საფრანგეთის პრეზიდენტის, ემანუელ მაკრონის განცხადებით, ბელარუსში ავტორიტარული მმართველობის კრიზისია და პრეზიდენტი ალექსანდრე ლუკაშენკო უნდა წავიდეს. ამის შესახებ მან გამოცემა Le Journal du Dimanche-სთან ინტერვიუში განაცხადა.

მისი თქმით, ლუკაშენკოს რეჟიმს არ შეუძლია დემოკრატიის პრინციპის გაგება და ძალას ეჭიდება. მან პატივისცემა გამოთქვა ბელარუსი აქტივისტები, განსაკუთრებით კი ქალების მიმართ, რომლებიც სისტემატიურად მართავენ საპროტესტო მსვლელობებს.

როგორც TUT.BY წერს, მაკრონმა აღნიშნა, რომ ელაპარაკა რუსეთის პრეზიდენტს, ვლადიმერ პუტინს სოჭში შეხვედრამდე და უთხრა, რომ მათ უნდა ითამაშონ მნიშნველოვანი როლი სიტუაციის დარეგულირებაში და უნდა ურჩიოს ლუკაშენკოს, პატივი სცეს ამომრჩევლთა გადაწყვეტილებას.

ბელარუსში საპროტესტო აქციები გრძელდება. მოსახლეობა ლუკაშენკოს გადადგომას ითხოვს და მას პრეზიდენტად არ აღიარებს. სიტუაცია გამწვავადა მას შემდეგ, რაც ლუკაშენკომ ინაუგურაცია ჩუმად ჩაატარა. აქციაზე გამოსული მოსახლეობა სპეცრაზმა ისევ დაშალა და ასეულობით ადამიანი დააკავა.