ენმ ზურაბ ჯაფარიძისგან ბოდიშს ითხოვს, ჯაფარიძე არ აპირებს
ერთიანი ნაციონალური მოძრაობა ზურაბ ჯაფარიძეს ბოდიშის მოხდისკენ მოუწოდებს. პარტიაში მიაჩნიათ, რომ ჯაფარიძის განცხადება, თითქოს ენმ-ის ამომრჩევლის ხმები მისთვის საინტერესო არ არის, შეცდომაა და უნდა განმარტოს, რა იგულისხმა. ჯაფარიძე კი ფიქრობს, რომ საბოდიშო არაფერი აქვს.
23 სექტემბერს, TV პირველის ეთერში გირჩის ლიდერმა განაცხადა, რომ 30 მაჟორიტარული ოლქიდან ნაციონალურ მოძრაობას 25 ოლქი არ უნდა შეხვედროდა. მისივე თქმით, მაჟორიტარული ოლქები რომ პროპორციულად განაწილებულიყო, ენმ-ს ნახევარი ან ნახევარზე მეტი ოლქი შეხვდებოდა და არა 25, რადგან ამაზე მეტყველებს რეიტინგები.
ჯაფარიძის ამ განცხადებას ენმ-ის ერთ-ერთმა ლიდერმა, სალომე სამადაშვილმა სტუდიაშივე უპასუხა და თქვა, რომ რეიტინგებისა და წინა არჩევნების შედეგების მიხედვით თუ იმსჯელებდნენ, ჯაფარიძე დღეს ვერც ერთ ოლქში ვერ იქნებოდა მაჟორიტარობის კანდიდატად წარდგენილი. დეპუტატის თქმით, ის, რომ ჯაფარიძე დღეს დიდუბე-ჩუღურეთის ოლქში იყრის კენჭს, მისთვის ენმ-სგან საჩუქარია.
დისკუსიის პროცესში სამადაშვილმა ჯაფარიძეს ასევე უთხრა, რომ მსგავსი ტაქტიკით თავადვე ამცირებდა დიდუბის ოლქში არჩევნების მოგების შანსს, რაზეც გირჩის ლიდერმა უპასუხა — "ჩემთვის სიმართლე უფრო მნიშვნელოვანია, ვიდრე თქვენი ხმები".
სწორედ ამასთან დაკავშირებით გამართა ორი დღის შემდეგ პრესკონფერენცია ერთიანმა ნაციონალურმა მოძრაობამ, სადაც სალომე სამადაშვილმა აღნიშნა, რომ ჯაფარიძემ ამომრჩეველს ბოდიში უნდა მოუხადოს.
სალომე სამადაშვილმა On.ge-ს უთხრა, რომ მნიშვნელოვანია, ოპოზიციის ერთიანმა კანდიდატებმა სხვადასხვა პარტიების ნდობა მოიპოვონ.
"ჩვენი მიზანია, მაქსიმალურად ბევრ ოლქში დავამარცხოთ ივანიშვილის კანდიდატები. ბატონმა ჯაფარიძემ იმისთვის, რომ შეასრულოს ის ფუნქცია, რისთვისაც მხარდაჭერილი იყო ჩვენ მიერ, უნდა მოძებნოს რამე გზა, რათა ენმ-ის მხარდამჭერების ხმები მიიღოს", — აღნიშნა სალომე სამადაშვილმა.
რაც შეეხება ბოდიშთან დაკავშირებით გირჩის ლიდერის პასუხს, ზურაბ ჯაფარიძე On.ge-სთან ამბობს, რომ ბოდიში მოსახდელი არ აქვს და ხელს აწერს ყველა სიტყვასა და ფრაზას, რაც TV პირველის ეთერში თქვა.
"არასდროს მითქვამს, რომ ნაციონლური მოძრაობის ხმები არ არის ჩემთვის მნიშვნელოვანი. ვამბობ, რომ ჩემთვის სიმართლე უფრო მიშვნელოვანია, ვიდრე ნებისმიერი ხმები და ეს რატომ არის შეურაცხმყოფელი, არ მესმის. არავისთვის შეურაცხყოფა არ მიმიყენებია, არც მქონია ამის მიზანი. შეიძლება, ამის მერე ხმები შემიმცირდეს, მაგრამ მართლა მჯერა, რომ სიმართლე უფრო მნიშვნელოვანია", — აღნიშნა ზურაბ ჯაფარიძემ.
მისივე თქმით, აქვს დაშვება, რომ ამ ყველაფრის შემდეგ ერთიანი ნაციონალური მოძრაობა დიდუბე-ჩუღურეთის ოლქში კონკურენტად საკუთარ კანდიდატს დაუყენებს.
"თუ ასე მოხდება, მაშინ გამოჩნდება, რომ, უბრალოდ, საბაბს ეძებდნენ მაგისთვის და იპოვეს საბაბი. არ ვარ მაგაში დარწმუნებული, მაგრამ ერთ-ერთ ვერსიად ვუშვებ", — განაცხადა ზურაბ ჯაფარიძემ.
საქართველოში საპარლამენტო არჩევნები 31 ოქტომბერს გაიმართება. მას შემდეგ, რაც საარჩევნო სისტემა შეიცვალა და პარლამენტში მხოლოდ 30 მაჟორიტარი დეპუტატის არჩევა იქნება შესაძლებელი, ოპოზიციამ მოლაპარაკებები დაიწყო. მათი სურვილი იყო, მინიმუმ თბილისში საერთო კანდიდატების დაყენება, რაც, მეტწილად, მოხერხდა. ზურაბ ჯაფარიძე ერთ-ერთია, ვისაც ოპოზიცია მხარს უჭერს, მათ შორისაა ნაციონალური მოძრაობაც.
-
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
-
გადახედვაოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან ოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან
კომენტარები