თუ მძღოლები კეთილსინდისიერად მოიქცევიან შესაძლოა 3 კაცზე შეზღუდვა მოიხსნას. ამის შესახებ მთავრობის ადმინისტრაციის უფროსმა ნათია მეზვრიშვილმა პალიტრანიუსის ეთერში განაცხადა.

"რეალურად ჩვენ დადგენილ შეზღუდვებს, რაც არის დარჩენილი მსხვილი შეზღუდვების მოხსნით შემდეგ, ყოველ მომდევნო საბჭოს სხდომაზე ვახდენთ. არ გამოვრიცხავ, რომ ეს საკითხი გადაიხედოს და გამორიხული არაფერია, მას შემდეგ რაც ვნახავთ, რომ ცუდ ქცევას და არაკეთილსინდისიერ ქცევას არ აქვს ადგილი მძღოლების მხრიდან", — განაცხადა მეზვრიშვილმა.

კორონავირუსის გამო საქართველოში, 23 მაისიდან ყველა ტაქსის მძღოლი ვალდებული არის, პირბადე გამოიყენოს. ასევე, ტაქსით სამზე მეტი ადამიანის გადაადგილება აკრძალულია.