ევროპული საქართველოს მაჟორიტარი დეპუტატობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი ამბობს, რონ დღეს ქვეყანაში შექმნილი უმძიმესი ეკონომიკური კრიზისი არის ივანიშვილის ხელისუფლების არასწორი ეკონომიკური პოლიტიკისა და კორონაკრიზისის არაეფექტური მართვის შედეგი. ჭიაბერაშვილმა აღნიშნა, რომ ევროპულ საქართველოს აქვს გეგმა, რომელიც მოახდენს გარდამტეხ ცვლილებებს.

"ჩვენ რვა წლის განმავლობაში ვხედავთ ეკონომიკის და შესაბამისად, ლარის დასუსტებას მაღალი გადასახადებით, ზედმეტი ბიუროკრატიითა და რეგულაციებით. შესაბამისად, აქედან გამოსავალი არის სამი: ეს არის დაბალი გადასახადები, ნაკლები ბიუროკრატია და რეგულაციები, ასევე მიუკერძოებელი სასამართლო, ოღონდ ეს ყველაფერი რომ განხორციელდეს და ამან გარდამტეხი ეკონომიკური და სოციალური ცვლილებები მოიტანოს ჩვენს ქვეყანაში, სჭირდება გარდამტეხი პოლიტიკური ცვლილება 31 ოქტომბერს, რომელიც აუცილებლად მოხდება", — განაცხადა ზურაბ ჭიაბერაშილმა.