ამერიკელი მსახიობი კერი ფიშერი, რომელმაც მსოფლიოს თავი ვარსკვლავური ომებიდან პრინცესა ლეია ორგანას როლით დაამახსოვრა, 60 წლის ასაკში გარდაიცვალა.

ფიშერი რამდენიმე დღის წინ საკუთარი წიგნის პრეზენტაციაზე მიემართებოდა თვითმფრინავით, როცა ინფარქტი დაემართა. ის კრიტიკულ მდგომარეობაში იყო, თუმცა დღეს, მსახიობის გარდაცვალებამდე რამდენიმე საათით ადრე, ექიმებმა განაცხადეს, რომ მისი მდგომარეობა დასტაბილურდა.

"ის მთელს მსოფლიოს უყვარდა და უსაზღვროდ მოგვენატრება. მთელი ოჯახი მადლობას გიხდით მხარდაჭერის გამო" - ნათქვამია განცხადებაში, რომელიც კერი ფიშერის შვილის, ბილი ლორდის სახელით ოჯახის პრესსპიკერმა განაცხადა.