რამდენიმე კვირაა, სერიალ ჩემი ცოლის დაქალების არსებული პერსონაჟები ახალ გმირზე, კვაზი მანტკავაზე ალაპარაკდნენ. მართალია, პერსონაჟი ჯერ არ გამოჩენილა, მაგრამ ვიცით, რომ ის შვილიშვილის, ბარბარეს ნიშნობას აუცილებლად დაესწრება.

როგორც ცნობილია, როლზე ერთ-ერთი ვერსიად დიმა ჯაიანი განიხილებოდა, თუმცა მან რუსთავი 2-თან თანამშრომლობაზე უარი თქვა.

"რუსთავი 2-ს ვერ გავეკარები, მიზეზი ის არის, რომ კაცის მკვლელობა დამაბრალეს, მსახიობის მკვლელობაში დამდეს ბრალი და ამირიეს ცხოვრება, მაგათ გამო თეატრიდან წამოსვლაც მომიწია. მე რომ სოხუმელი არ ვყოფილიყავი, ვუჩივლებდი, მაგრამ სოხუმელი კაცი ვარ და ჩივილი არ შეიძლება ჩემგან" - ამბობს დიმა ჯაიანი.

ვინ შეასრულებს კვაზი მანტკავას როლს, წესით, მალე შევიტყობთ.