ჯანდაცვის მინისტრის მოადგილის, თამარ გაბუნიას თქმით, სახელმწიფომ 135 000 დოზა სეზონური გრიპის ვაქცინა შეისყიდა. ამის შესახებ მან საკოორდინაციო საბჭოს სხდომის დასრულების შემდეგ გამართულ ბრიფინგზე ისაუბრა.

"სეზონური გრიპის ვაქცინა სახელმწიფომ შეისყიდა 135 000 დოზა, რომელსაც ველოდებით. ეს არის იმაზე მეტი, ვიდრე შარშან გვქონდა შესყიდული. როგორც წესი, კომერციული ვაქცინა დაახლოებით 50-60 ათასი დოზის რაოდენობით ყოველთვის შემოდის და წელსაც იქნება", — განაცხადა გაბუნიამ.

ასევე, მისი თქმით, წელს ჯამში გვექნება 200 000-მდე ვაქცინის დოზა და კიდევ მიდის მუშაობა დამატებითი ვაქცინის შესასყიდად.