3 ოქტომბერს ისრაელის და საქართველოს ერთობლივ კლინიკა ჰელსიკორს მსოფლიოს წამყვანი გერმანელი ენდოკრინული ქირურგი, ჰენინგ დრალე ეწვევა და 8 ოქტომბრის ჩათვლით, ფარისებრი ჯირკვლის სიმსივნის მქონე პაციენტებისთვის კონსულტაციებსა და ოპერაციებს ჩაატარებს.

ჰელსიკორი აღნიშნული დაავადების მქონე პაციენტებს, პროფესორ დრალეს უნიკალური მეთოდით (კისრის ორმხრივი, ტოტალური ლიმფოდისექცია ერთ მომენტად) მკურნალობის შანსს აძლევს. როგორც ჰელსიკორში აცხადებენ, აღნიშნული მეთოდის უნიკალურობა მცირე საყელოსებრი განაკვეთიდან კისრის ყველა ლიმფური კვანძის ამოკვეთაში (მოიცავს კისრის ყველა კომპარტმენტს, ლიმფური კვანძების ჯგუფს) მდგომარეობს. აღსანიშნავია, რომ ოპერაციები მუდმივი ნეიმონიტორინგით ტარდება, რაც ხმის იოგების დაზიანებას სრულად გამორიცხავს. ასევე მნიშვნელოვანია, რომ ქირურგიული ჩარევა მაქსიმალური კოსმეტიკური ეფექტით ხდება.

ევროპის ენდოკრინულ ქირურგთა ასოციაციის თავმჯდომარემ, ესენის საუნივერსიტეტო კლინიკის პროფესორმა, ჰენინგ დრალემ თანამედროვე ენდოკრინული ქირურგიის განვითარებაში უმნიშვნელოვანესი წვლილი შეიტანა. ფარისებრი ჯირკვლის სიმსივნის მისი მეთოდით მკურნალობა, მსოფლოს ისეთ წამყვან ქვეყნებში დაინერგა, როგორიც ამერიკის შეერთებული შტატები, საფრანგეთი, ინგლისი და ისრაელია. პროფესორ დრალეს ბიოგრაფია, ათასზე მეტ სამეცნიერო ნაშრომსა და ჯილდოს მოიცავს. იგი ყველა თანამედროვე გაიდლაინის ავტორი ან თანაავტორია, რაც ენდოკრინული ქირურგიის განვითარებისთვის ძალიან მნიშვნელოვანია.

ჰენინგ დრალე საქართველოს პირველად 2016 წელს სტუმრობდა. მას შემდეგ, მან არაერთი წარმატებული ქირურგიული ოპერაცია ჩაუტარა ქართველ პაციენტებს. არსებული სტატისტიკით ყველა მათგანი წარმატებით დასრულდა, რაც პაციენტის გამოჯანმრთელებას გულისხმობს.

თანამედროვე ევროპული სტანდარტების შესაბამისი კლინიკა ჰელსიკორი, პროფესორ დრალესთან უკვე 3 წელია, თანამშრომლობს და ამ პერიოდის განმავლობაში ფარისებრი ჯირკვლის სიმსივნის 200-მდე ოპერაცია გაკეთდა. გერმანელ მედიკოსთან საკონსულტაციო ვიზიტზე ჩაწერის მსურველებმა, კლინიკას შემდეგ საკონტაქტო ნომერზე უნდა მიმართონ: 591 02 00 00