რუსული სამხედრო თვითმფრინავი სოჭის ადლერის აეროპორტიდან აფრენის შემდეგ, 20 წუთში რადარებიდან გაუჩინარდა. BBC რუსეთის თავდაცვის მინისტრის ინფორმაციით წერს, რომ ტუ-154-ს 92 მგზავრი გადაჰყავდა, მათ შორის ეკიპაჟის წევრები, ჯარისკაცები, რუსული სამხედრო ბენდი ალექსანდროვი, არასამთავრობო ორგანიზაციის წარმომადგენელი და ცხრა რეპორტიორი.

მინისტრის თქმით, ისინი სირიაში, ლატაკიას პროვინციაში მიფრინავდნენ, რათა რუსულ სამხედრო ბაზაზე საახალწლო კონცერტი გაემართათ. მინისტრის განმარტებით, ამ დროისთვის, სამძებრო სამუშაოები მიმდინარეობს.

რუსეთმა სირიის ტერიტორიაზე საჰაერო დაბომბვები ე.წ. ისლამური სახელმწიფოს მებრძოლების წინააღმდეგ 2015 წლის 30 სექტემბერს დაიწყო, 16 აგვისტოს კი ალეპოს დაბომბვა ირანის ბაზების გამოყენებით განაახლა. ომს უამრავი მშვიდობიანი მოსახლე, მათ შორის ბავშვები, ემსხვერპლა.