დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, სეროპრევალენტური კვლევის შედეგად დადგინდა, რომ გამოკვლეული 1 222 ადამიანიდან ერთს კორონავირუსი გადატანილი აქვს.

"გუშინ ღამე დავამთავრეთ ე.წ. სეროპრევალენტური კვლევა. ხელვაჩაურში, ქობულეთში, მარტვილსა და ბორჯომში შემთხვევითი შერჩევის პრინციპით შეირჩნენ ადამიანები. 1 222 სისხლის ნიმუში იქნა აღებული და განისაზღვრა ე.წ. იმუნოგლობულინის ანტისხეულები, რაც იმას ნიშნავს, რომ ადამიანს უკვე გადატანილი აქვს ინფექცია. 1 222 ნიმუშიდან მხოლოდ ერთს ამოუვიდა დადებითი პასუხი და ეს მარტვილის რაიონიდაა. ამ ტესტირებაზე სისხლის აღება 17 დან 25 აგვისტოს პერიოდში მოხდა, ეს ნიშნავს იმას, რომ ქვეყანაში ინფექცია ინტენსიურად არ ცირკულირებს", — განაცხადა ამირან გამყრელიძემ.

ბოლნისსა და თელავში უკვე ჩატარებულია სეროპრევალენტული კვლევა, გამყრელიძე ამბობს, რომ იქ შემთხვევითი პრინციპით 150-150 მოზრდილი ადამიანი შეარჩიეს და ანტისხეულებსა და ანტიგენებზე სწრაფ ტესტება ჩაუტარეს. აქედან დადებითი პასუხი ბოლნისში ერთ ადამიანს დაუფიქსირდა, ხოლო თელავში არავის.