კახეთში სასაზღვრო პოლიციის თანამშრომელს კორონავირუსი დაუდასტურდა. შინაგან საქმეთა სამინისტროს ინფორმაციით, ინფიცირებულს აჭარაში მოგზაურობის ისტორია აქვს.

შსს-ს ცნობით, მესაზღვრე ბათუმიდან 10 სექტემბერს დაბრუნდა, თუმცა შვებულების გამო, სამუშაო ადგილზე არ გამოცხადებულა და შესაბამისად, სხვა თანამშრომლებთან კონტაქტი არ ჰქონია.

მათივე ინფორმაციით, ინფიცირებული თბილისის ინფექციურ საავადმყოფოში მკურნალობს. ეპიდემიოლოგები წყაროს იდენტიფიცირებას და კონტაქტების კვლევას აწარმოებენ.