შინაგან საქმეთა სამინისტროს ინფორმაციით, პოლიციამ დააკავა კაცი, რომელიც თავს სასულიერო პირს უწოდებდა, არასრულწლოვანს ფოტოები მოტყუებით გადააგზავნინა და დაემუქრა.

შსს-ში აცხადებენ, რომ მას შემდეგ, რაც ბრალდებულმა არასრულწლოვანს ფოტოები გააგზავნინა, მან კაცთან სატელეფონო კონტაქტი შეწყვიტა, ლ.ჯ. (ბრალდებული) კი, ფოტოსურათების ინტერნეტსივრცეში გავრცელებით დაემუქრა.

1984 წელს დაბადებული ლ.ჯ. პირადი ცხოვრების საიდუმლოს უკანონოდ მოპოვების ბრალდებით დააკავეს და გამოძიება პირადი ცხოვრების საიდუმლოს უკანონოდ მოპოვების ფაქტზე, საქართველოს სისხლის სამართლის კოდექსის 157-ე პრიმა მუხლის 1-ლი ნაწილით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.