ტელეკომპანია რუსთავი 2-ის, საინფორმაციო სამსახურის უფროსის, ნინო შუბლაძის თქმით, ტელევიზიაში თანამშრომლების უმრავლესობას ტესტი ჩაუტარდათ და პასუხი უარყოფითია.

როგორც ნინო შუბლაძემ On.ge-სთან აღნიშნა "თითქმის ყველა თანამშრომლის პასუხი უარყოფითია, დარჩენილია 60 უშუალო კონტაქტი, რომლებსაც ტესტი ორშაბათს ჩაუტარდებათ", — ამბობს ნინო შუბლაძე.

გუშინ, რუსთავი 2-ის თანამშრომელს თეონა ცხომელიძეს კორონავირუსი დაუდასტურდა. რის შემდეგაც, ტელევიზიაში ყველა თანამშრომელს ჩაუტარდა კორონავირუსზე ტესტი.

12 სექტემბრის მონაცემებით, საქართველოში კორონავირუსის 158 ახალი შემთხვევა გამოვლინდა, გამოჯანმრთელებულთა რიცხვი კი 9-ით გაიზარდა. ამის შესახებ ინფორმაცია დაავადებათა კონტროლის გვერდზე განახლდა.