დიდი ბრიტანეთი საქართველოს ოკუპაციის დასრულებაში დაეხმარება

დიდი ბრიტანეთის ევროპული სამეზობლოს და ამერიკის საკითხებში სახელმწიფო მინისტრი, ვენდი მორტონი ტვიტერზე წერს, რომ დიდი ბრიტანეთი საქართველოს 2 მილიონ ფუნტ სტერლინგს გამოუყოფს. მინისტრის თქმით, ეს თანხა რუსეთის მხრიდან წლების განმავლობაში მომდინარე კონფლიქტის დასრულებას მოხმარდება.

"ჩვენ მხარს ვუჭერთ საქართველოს ტერიტორიულ მთლიანობას. რუსეთის მიერ საქართველოს ტერიტორიების მიმდინარე ოკუპაცია მიუღებელია", — წერს ვენდი მორტონი.

We are unwavering in our support for Georgia’s sovereignty and territorial integrity and continue to call out unacceptable ongoing Russian aggression. That’s why we’ve committed over £2m this year to support Georgia to bring a peaceful end to years of conflict. #Wardrop
— Wendy Morton MP (@morton_wendy) September 9, 2020

ბრიტანელ მინისტრს ტვიტერზე გამოეხმაურა საქართველოს საგარეო საქმეთა მინისტრი, დავით ზალკალიანი. მან მადლობა გადაუხადა ვენდი მორტონს რუსული ოკუპაციის დაგმობისთვის.

"უაღრესად ვაფასებ გაერთიანებული სამეფოს პოზიციას: მისი მხარდაჭერა საქართველოს სუვერენიტეტისა და ტერიტორიული მთლიანობის მიმართ ურყევია", — წერს ზალკალიანი.

Highly appreciate the stance of the UK remaining unwavering in its support of Georgia’s territorial integrity & allocation of £2m in financial aid to Georgia to end years of occupation. Thank you to @morton_wendy for condemning Russia’s ongoing occupation of Georgian territories https://t.co/sWDvQBVTCU
— David Zalkaliani (@DZalkaliani) September 9, 2020