თბილისის მერის კახა კალაძის თქმით, ჭავჭავაძის გამზირზე შეუძლებელია ავტოსაგზაო შემთხვევა მოხდეს, თუ კერძო ავტომობილი წესებს არ დაარღვევს. ამის შესახებ კალაძემ თბილისის მთავრობის სხდომაზე განაცხადა.

"ბოლო დღეების განმავლობაში, რამდენიმე ავტოსაგზაო შემთხვევა დაფიქსირდა ჭავჭავაძის გამზირზე. ვისაც ერთხელ მაინც გაუვლია ამ ტერიტორიაზე, ცხადია, ადამიანს უჩნდება კითხვა, როგორ შეიძლება ავტობუსი დაეჯახოს კეძო ავტომობილს. ეს შეუძლებელია, ყველას აქვს თავისი ზოლი, თუ რაღაც სასწაულს არ აკეთებ, თუ სასწაულ დარღვევას არ აკეთებ, შეუძლებელია ავტოსაგზაო შემთხვევა მოხდეს", — განაცხადა კახა კალაძემ.