პოლიტიკური პარტია ლელო საქართველოსთვის წევრზე ძალადობის ბრალდებით შინაგან საქმეთა სამინისტრომ ერთი პირი დააკავა.

გამოძიების ინფორმაციით, დაკავებულმა ლელოს წევრს სიტყვიერი და ფიზიკური შეურაცხყოფა მიაყენა. გამოძიება ჯგუფურად ძალადობის მუხლით მიმდინარეობს.

4 სექტემბერს ლელოს ერთ-ერთმა ლიდერმა, კახა კოჟორიძემ განაცხადა, რომ გიორგი გლუნჩაძეს სამმა ადამიანმა სცემა.

კოჟორიძე ვარაუდობს, რომ გლუნჩაძეს, ქართული ოცნების მხარდამჭერებმა სცემეს. მისივე ინფორმაციით, ლელოს მხარდამჭერს, სავარაუდოდ, ტვინის შერყევა აქვს მიღებული და ამ დროისთვის ღუდუშაურის კლინიკაშია გადაყვანილი.