ე.წ. ისლამურმა სახელმწიფომ, ორშაბათს, ბერლინში, საშობაო ბაზრობაზე თავდასხმაზე პასუხისმგებლობა აიღო. ინფორმაციას BBC ავრცელებს.

ტერორისტულმა ორგანიზაციამ ინფორმაცია საკუთარი სააგენტოს მეშვეობით გაავრცელა.

ერთადერთი ეჭვმიტანილი, რომელიც ორშაბათს, ბერლინში, საშობაო ბაზრობაზე თავდასხმის ბრალდებით დააკავეს, გერმანიის პოლიციამ სულ ცოტა ხნის წინ გაათავისუფლა. პროკურორების თქმით, მათ არ აქვთ საკმარისი მტკიცებულება, რომ ბრალდებულის წინააღმდეგ საქმე გააგრძელონ, რომელიც, თავის მხრივ მედიის მიერ იდენტიფიცირებულია როგორც უბრალოდ პაკისტანის მოქალაქე ნავედ ბ.

ბერლინის ცენტრში, საშობაო ბაზრობაზე სატვირთო მანქანის შევარდნის შედეგად 12 ადამიანი დაიღუპა და 48 დაშავდა.