ნაციონალური მოძრაობის პოლიტსაბჭოს სხდომა პარტიის ცენტრალურ ოფისში რამდენიმე წუთის წინ დაიწყო. დღეს, 15 მაისს, ცნობილი გახდა, რომ საარჩევნო სიის პირველი ნომერი დავით ბაქრაძე იქნება.

ნაციონალური მოძრაობის წევრები მედიასთან საუბარში ადასტურებენ, რომ აუცილებლად ეყოლებათ ახალი წევრები, მათ შორის ცნობილი სახეები, თუმცა მათ ვინაობას არ აკონკრეტებენ.

ზურაბ ჭიაბერაშვილის თქმით, დღეს პოლიტსაბჭოზე მოხდება საბოლოო სიის ფორმირება:

"გვიერთდება ბევრი ახალი ადამიანი და ბუნებრივია, ჩვენ მივყვებით ამ წესს. დღეს პოლიტსაბჭოზე მოხდება საბოლოო სიის ფორმირება".

პოლიტსაბჭოს სხდომის შედეგებს პარტია რამდენიმე დღეში გაასაჯაროვებს.