საახალწლო სუფრა ჩვენთვის საცივსა და გოზინაყს უკავშირდება, მაგრამ თუ გინდათ რამე განსხვავებული სცადოთ, სწორ ადგილას მოხვდით. საახალწლოდ ბრაუნის ნაძვის ხეები დიდებსა და პატარებს ერთნაირად გაახარებს. თუ ოჯახის წევრებს მომზადების პროცესშიც ჩართავთ, კიდევ უფრო გემრიელ შედეგს მიიღებთ.

ყველაფერი ბრაუნის გამოცხობიდან იწყება. დაგჭირდებათ კვადრატული საცხობი ფორმა, რომელსაც წინასწარ წაუსვამთ ცხიმს.

  • 2 ფილა შავი შოკოლადი
  • 4 ცალი კვერცხი
  • 125 გრ. კარაქი
  • 4 სუფრის კოვზი შაქარი
  • 4 სუფრის კოვზი ფქვილი


მომზადების წესი:

შოკოლადი კუბიკებად დატეხეთ და ჯამში ჩაყარეთ; დაამატეთ კარაქი და შედგით მიკროტალღურ ღუმელში ან დაადგით ძალიან დაბალ ცეცხლზე; სანამ შოკოლადი და კარაქი გადნება, ცალკე ჯამში კარგად ათქვიფეთ 2 მთლიანი კვერცხი და 2 კვერცხის გული; თქვეფის პარალელურად ჯამში ჩაამატეთ ჯერ შაქარი და შემდეგ ფქვილი. ამის შემდეგ დაამატოთ გამდნარი შოკოლადისა და კარაქის ნაზავი და კიდევ ათქვიფეთ. მზა მასა ჩაასხით ფორმებში და შედგით 200 გრადუსზე გაცხელებულ ჰაერღუმელში 10 წუთით.

ფოტო: onelittleproject.com

ბრაუნი გაცივდა და ჯერჯერობით არ შემოგეჭამათ. ეს უკვე წარმატებაა. ახლა სამკუთხედებად უნდა დაჭრათ მთელი ნამცხვარი. შეგიძლიათ ვიზუალიზაციისთვის ჩინური ან კანაპეს ჩხირებიც გამოიყენოთ.

ფოტო: onelittleproject.com

დასაჭრელად მოზრდილი დანა დაგჭირდებათ, შეიძლება თავიდანვე იდეალური სამკუთხედები არ გამოვიდეს, მაგრამ შესწორება შეიძლება. დანარჩენი შეჭმას ექვემდებარება.

ფოტო: onelittleproject.com

ახლა გადავიდეთ გლაზურზე ანუ მინანქარზე, რომელიც დეკორაციისთვის უნდა გამოიყენოთ. მომზადების სტანდარტული რეცეპტი აქ შეგიძლიათ იხილოთ.

ფოტო: onelittleproject.com

მწვანე შეფერილობის მისაცემად საჭმელი საღებავი დაგჭირდებათ, 40-50 წვეთი. იქამდე შეურიეთ, სანამ ფერით კმაყოფილი არ იქნებით.

ფოტო: onelittleproject.com

მიღებული მასა უნდა გადაიტანოთ ცელოფანში, რომელიც მჭიდროდ იხურება და ნახევარი საათით მაცივარში მოათავსოთ.

ფოტო: onelittleproject.com

მოაჭერით ერთი კუთხე "სათავსოს" და გამოიყენეთ მოსართავად.

ფოტო: onelittleproject.com

ახლა დაგჭირდებათ ტორტისა და ნამცხვრის მოსართავი პატარა შაქრის ფორმები. არ დაინანოთ, უხვად დააყარეთ. თუ ვარსკვლავის ფორმებს შეარჩევთ, კიდევ უფრო კარგი იქნება.

ფოტო: onelittleproject.com

ეს ბოლო შტრიხი აუცილებელი არაა, მაგრამ კიდევ უფრო ალამაზებს ამ გემრიელობას. კანფეტის ჩხირები დაჭერით ნაწილებად და ნაძვის ხეს ღერო გაუკეთეთ.

ფოტო: onelittleproject.com

სულ ესაა. გემრიელად მიირთვით!