ოჯახის წევრები "სითი მედიქალის" მედპერსონალს 77 წლის ქალისთვის ფიზიკურ შეურაცხყოფაში ადანაშაულებენ.

როგორც ქალის ქმარი რუსთავი 2-თან ამბობს, ინციდენტში კლინიკის ხუთი თანამშრომელი მონაწილეობდა.

"ძალიან აღელვებული დამხვდა, მცემესო. მე ვუთხარი, ეგ როგორ შეიძლება-მეთქი, აი, კითხე იმასო, მოპირდაპირე მხარეს ავადმყოფისკენ მიმითითა. იმან მითხრა კიო, ხმაური გავიგეო. 5 ადამიანი მცემდაო", — ამბობს კაცი.

რუსთავი 2-თან საუბრის დროს ბრალდებებს პასუხობს კლინიკის დირექტორიც, რომელიც აცხადებს, რომ მზადაა შესაბამის უწყებებთან ითანამშრომლოს.

"პირდაპირ ვამბობ, ეს თუ ასე მოხდა, პასუხისმგებლობას ვერ გაექცევა ვერავინ. ჩვენ მზად ვართ, ინფორმაცია მივაწოდოთ პოლიციასაც და პროკურატურასაც",— აცხადებს კლინიკის დირექტორი.

On.ge-ს შსს-ში განუცხადეს, რომ გამოძიება 2 მუხლით, 126-ე მუხლის 11 მუხლის "ა" ქვეპუნქტით და 187-ე მუხლით დაიწყო, რაც ითვალისწინებს ცემას ან სხვაგვარი ძალადობა, რამაც დაზარალებულის ფიზიკური ტკივილი გამოიწვია და სხვისი ნივთის დაზიანებას ან განადგურებას, რამაც მნიშვნელოვანი ზიანი გამოიწვია.