ბელარუსიის პრეზიდენტი ალექსანდრე ლუკაშენკო ისევ ავტომატით გამოჩნდა. ამჯერადაც თავისივე რეზიდენციის წინ.

რუსული პროსახელისუფლებო გამოცემის, Ria-ს ინფორმაციით, ეს ფოტო ლუკაშენკოს პრესცენტრიდან მიაწოდეს კითხვის პასუხად, სად არის ის საპროტესტო აქციების დროს.

ტელეგრამ არხი პულ პერვოვო წერს, რომ ფოტო გადაღებულია მინსკში, დამოუკიდებლობის სასახლის წინ, 16 საათზე, მაშინ, როცა რეზიდენციასთან აქციის მონაწილები იყვნენ შეკრებილი.

საპრეზიდენტო არჩევნებიდან 22-ე დღეს ბელარუსში საპროტესტო აქციები გრძელდება. ოპოზიციური ბელარუსული მედიის, TUT.BY-ს ინფორმაციით, მინსკში მობილიზებულია სპეცრაზმი და მილიცია, გადაკეტილია გზები, ბარიკადების უკან კი სამხედრო და წყლის ჭავლის მანქანები დგას.

სპეცრაზმი დილიდან იყო მობილიზებული, თუმცა, აქციის მონაწილეებმა მსვლელობა მაინც გამართეს და ალექსანდრ ლუკაშენკოს რეზიდანციასთან მიაკითხეს და მისი გადადგომა ისევ მოითხოვეს. სპეცრაზმის კოლონების წინ აქციის მონაწილეები ჩერდებიან და სკანდირებენ: "წადი".

დღეს ცნობილი გახდა, რომ რუსეთის პრეზიდენტმა, ვლადიმერ პუტინმა ლუკაშენკოს დაბადების დღე მიულოცა და ისინი მოსკოვში შეხვედრაზე შეთანხმდნენ. ამ ფაქტის გასაპროტესტებლად აქციის ერთ-ერთი მონაწილე ასეთი პლაკატით გამოჩნდა.

გაიგეთ მეტი: