ბელარუსში მომუშავე საერთაშორისო და რეგიონალურ მედია წარმომადგენლებს საგარეო საქმეთა სამინისტრომ აკრედიტაცია გაუუქმა.

როგორც tut.by წერს, ცნობილი გახდა, რომ ბელარუსში მომუშავე ჟურნალისტებს, რომლებიც მუშაობდნენ BBC-ზე, Reuters-ზე, რადიო თავისუფლების რუსულ ბიუროში, AFP-ს და სხვებზე, აკრედიტაცია ჩამოართვეს. მათივე ინფორმაციით, ეს 29 აგვისტოს 13:00 საათზე მოხდა და ჯამში, მუშაობა 19 ჟურნალისტს აეკრძალა. ბელორუსის საგარეო საქმეთა სამინისტრო კომენტარს არ აკეთებს.

22 აგვისტოს ბელარუსიიდან რადიო თავისუფლების რუსული ბიუროს ჟურნალისტების გამოაძევეს და ამავე მედიის ადგილობრივი ვებგვერდი დაბლოკეს. მედიასაშუალების ინფორმაციით, ჟურნალისტების იულია ვიშნევეცკაია და ანდრეი კისილიოვი პარასკევს მინსკში სამსახურებრივი მოვალეობის შესრულებისას დააკავეს და ქვეყნის 25 აგვისტომდე დატოვობა მოსთხოვეს.

ამასთანავე, ბელარუსში 70-ზე მეტი ვებგვერდი დაიბლოკა. მათ შორისაა, როგორც ადგილობრივი, ასევე, საერთაშორისო მედიები, რომლებიც აქტიურად აშუქებდნენ საპროტესტო აქციებს.