ქართული ოცნების დამფუძნებლის, ბიძინა ივანიშვილის შვილი ბერა ივანიშვილი ამერიკის შეერთებულ შტატებში მიმდინარე საპროტესტო მოძრაობას მხარდაჭერას უცხადებს. ის ვიდეოს საკუთარ Instagram გვერდზე ავრცელებს.

"გამარჯობა. ვიმედოვნებ, რომ ყველა კარგად ხართ. მიუხედავად იმისა, რომ არაერთი მილის მოშორებით ვცხოვრობ, მინდა, მხარდაჭერა გამოგიცხადოთ და ვთქვა, რომ შავკანიანთა სიცოცხლე მნიშვნელოვანია. მე გავიზარდე ოჯახში, რომელსაც ყველა ადამიანის თანასწორობის სჯერა. მე და ჩემი მეუღლე ვცდილობთ, რომ ჩვენი ვაჟი იმავე პრინციპებით გავზარდოთ. გვჯერა, რომ თითოეულ ჩვენგანს შეუძლია წვლილი შეიტანოს სამყაროს უკეთესობისკენ შეცვლის პროცესში", — ნათქვამია ვიდეომიმართვაში.

აშშ-ში ანტირასისტული საპროტესტო აქციები მიმდინარეობს. ჯორჯ ფლოიდის შემდეგ, პროტესტმა ხელახლა იფეთქა, როდესაც პოლიციელმა შავკანიან კაცს ზურგში შვიდი ტყვია ესროლა.