BBC-ს ცნობით, 10 ბავშვის სიცოცხლე ემსხვერპლა მეხის დაცემას უგანდის ჩრდილო-დასავლეთ ნაწილში. ძლიერ წვიმის გამო ბავშვებმა თავი პატარა შენობას შეაფარეს, რა დროსაც შენობას მეხი დაეცა.

13-15 წლამდე 9 მოზარდი ადგილზე, მეათე კი საავადმყოფომდე მისვლამდე გარდაიცვალა. შემთხვევას სამი არასრულწლოვანი გადაურჩა, რომლებიც ამ დროისათის საავადმყოფოში მკურნალობენ.

უგანდის ჩრდილო-დასავლეთ ნაწილში რამდენიმე დღეა ძლიერად წვიმს. BBC-ს ინფორმაციით, მსგავსი უბედური შემთხვევა 2011 წელსაც მოხდა. მეხის დაცემის შედეგად მაშინ, ერთ კვირაში 28 ადამიანი დაიღუპა.