ღიად პრორუსული პარტიის, პატრიოტთა ალიანსის ლიდერმა კურიერის ჟურნალისტს კრიტიკული კითხვების გამო "სამარცხვინო" და "პატარა ბოკერია" უწოდა.

"სამარცხვინო ჟურნალისტი ხართ, სამარცხვინოა თქვენ მიერ დასმული შეკითხვები. ეს არის საინფორმაციო შტურმი ჩემ წინააღმდეგ. მე გპასუხობთ და თქვენ იმეორებთ, კრემლი, კრემლი, კრემლი... პატარა ბოკერია ხართ", — განაცხადა ინაშვილმა.

პატრიოტთა ალიანსის ლიდერმა ამ სიტყვებით იმ კითხვებზე გამოხატა რეაქცია, რომელიც ოკუპირებულ აფხაზეთში მის ვიზიტს ეხებოდა. კურიერის წამყვანმა აღნიშნა, რომ ინაშვილი თავადაც ჟურნალისტია და უნდა ესმოდეს, რა მნიშვნელობა აქვს კრიტიკულ კითხვებს, რის პასუხადაც ინაშვილმა განაცხადა, რომ სწორედ იმიტომ აფასებს მას, რომ თავადაც ჟურნალისტია.

პარტიოტთა ალიანსის დეპუტატები, ირმა ინაშვილი და გიორგი ლომია ოკუპირებულ აფხაზეთში იმყოფებოდნენ. ირმა ინაშვილმა განაცხადა, მათ ილორის ტაძარში ღვთისმშობლის ხატი ჩაიტანეს, რომელიც მოგვიანებით უკან დაუბრუნეს.

პატრიოტთა ალიანსის ოკუპირებულ რეგიონში ვიზიტს კრიტიკა მოყვა როგორც ადგილობრივ, ასევე, დე ფაქტო ოპოზიციაში. აფხაზეთის დე ფაქტო პრეზიდენტის, ასლან ბჟანიას თანაშემწე, ლაშა საყანია, რომელმაც თავიდან უარყო, მოგივანებით კი დაადასტურა, რომ ალიანსის წევრებს შეხვდა, თანამდებობა დატოვა.

საყანია ამბობდა, აგვისტოს დასაწყისში მეგობრები დაუკავშირდნენ რუსეთის ფედერაციიდან, რომლებმაც სთხოვეს დახმარებოდა დავით თარხან-მოურავს, რომელსაც სურდა, ილორის ეკლესიისთვის ღვთისმშობლის ხატი გადაეცა. საყანიას თქმით, ამ თხოვნას "ჰუმანიტარული მიზნებით" დათანხმდა.

ამ დრომდე ირმა ინაშილი არ ამბობს, როგორ ჩავიდა აფხაზეთში და არც იმას აზუსტებს, ვინ იყო მისი მასპინძელი.

ამავე თემაზე: