ალასკაში მდებარე კატმაის ეროვნული პარკისა და ნაკრძალის ველური დათვები — რომლებსაც explore.org-ის ვებკამერებში ონლაინ აჩვენებენ — ამ ზაფხულს, მათი ხანგრძლივი ზამთრის ძილის სამზადისის სახით, წარმოუდგენლად გასუქდნენ. ცნობილი მდინარე ბრუკსი, სადაც დათვები იკრიბებიან, დათვების საყვარელი საკვებითაა მდიდარი: 4 500-კალორიიანი ორაგულებით.

ერთი დათვი გამორჩეულად დიდია — ზრდასრული მამრი, რომელსაც კატმაის ბიოლოგებმა 747 შეარქვეს, ახლა უკვე იმხელაა, რომ ის მდინარის ნაპირის ფერდობზე (რომელზეც დათვებს ყოველდღიურად უწევთ ასვლა-ჩამოსვლა) ძლივს მიბაჯბაჯებს.

მიუხედავად ამისა, 747 სიძნელეებს არ ეპუება:

მნიშვნელოვანია, აღვნიშნოთ, რომ 747-ის ასეთი წონაში მატება სწორედ ის მდგომარეობაა, რომლის მიღწევაც დათვებს სურთ. ეს ალასკის ძალიან გრძელი და ცივი ზამთრის გადასალახად გამომუშავებული შთამბეჭდავი ადაპტაციაა. ზამთრის ძილის დროს დათვები თავიანთი ცხიმის მარაგს წვავენ და რაც უფრო მეტი ცხიმი აქვთ მათ დაგროვებული, მით მეტია გადარჩენის შანსიც.

წელს კატმაისა და ალასკის ბრისტოლის ყურის რეგიონში კოლოსალური რაოდენობის ორაგულები გამოჩნდნენ.

"ახლა დათვები ტონობით ორაგულით ძალიან ხეირობენ და წლის ამ მონაკვეთში უკიდურესად მსუქნები არიან", — თქვა კატმაის პარკის ყოფილმა რეინჯერმა მაიკ ფიცმა.

კატმაი ის რეგიონია, რომელშიც ადამიანები მინიმალურად ერევიან, რის გამოც ბუნების ხელგაშლილობას თავისი მაქსიმალური პოტენციალის მიღწევა შეუძლია. როცა ამდენად მსუქან დათვს ხედავთ, როგორიც 747-ია, თქვენ ჭეშმარიტ, ხელშეუხებელ ველურ ბუნებას აკვირდებით. აქ ორაგულები დიდ და დაცულ არეალში თავისუფლად ახერხებენ გამრავლებას.

დათვი 747, კატმაის სხვა დათვების მსგავსად, ორაგულის მირთმევას ჯერ კიდევ მთელი თვე გააგრძელებს. ისინი დარჩენილ თევზებს შეექცევიან, რომელთაგან ბევრიც ახლახან გამოიჩეკა, უკვე მოკვდა ან კვდება.

სექტემბრის მიწურულსა და ოქტომბრის დასაწყისში პარკი ყოველწლიურად "კვირის მსუქანი დათვის" შეჯიბრს აწყობენ, რომლის ფარგლებშიც ხალხი ყველაზე მსუქან დათვს აძლევს ხმას. აქამდე დათვი 747 მუდმივად იყო ლიდერდა სიაში, თუმცა ჩემპიონის ტიტული არასდროს მოუპოვებია. შესაძლოა, 2020 მისი წელი აღმოჩნდეს.