ქალის დასახმარებლად, რომლის დაწვაც კაცმა სცადა, საქველმოქმედო აქცია დაიწყო. ფეისბუქგვერდზე შეიქმნა ჯგუფი "სევასთვის", სადაც ცდილობენ დაზარალებულს რეაბილიტაციისთვის საჭირო თანხა შეუგროვონ.

მეგობრების გავრცელებული ინფორმაციით, მას 20 000 ლარზე მეტი სჭირდება.

"სევა სასწაულის შედეგად გადარჩა, თუმცა მას ფეხები მთლიანად აქვს დამწვარი. 1 თვე რეანიმაციაში იყო, დღემდე კი საავადმყოფოს პალატაში იმყოფება. მას უკვე ჩაუტარდა კანის გადანერგვის ორი ოპერაცია, წინ კი ხანგრძლივი რეაბილიტაცია და კიდევ ერთი ოპერაცია აქვს.

რეანიმაციის და საავადმყოფოს ხარჯების გათვალისწინებით, ხარჯი იზრდება. სახელმწიფოსა და თბილისის მერიის დაფინანსებით მკურნალობის ნაწილი, 25 000 ლარი დაიფარა, თუმცა, ამ დრომდე საავადმყოფოში დავალიანება რჩება 20 000 ლარზე მეტი", — აცხადებენ მეგობრები.

სევას დასახმარებლად თანხას რიცხავენ შემდეგი ანგარიშის ნომრებზე:

  • საქართველოს ბანკი: GE27BG0000000365869289; GE27BG0000000365869289
    მიმღები — ირინე შამოიანი (დედა);
  • თიბისი ბანკი: GE79TB7825736010100017; GE79TB7825736010100017
    მიმღები — ირინე შამოიანი;
  • ლიბერთი ბანკი: GE13LB0711116423039000GEL; GE13LB0711116423039000
    მიმღები — ირინე შამოიანი.

29 ივნისს თბილისში კაცმა ქალის დაწვა სცადა. დაზარალებული დამწვრობის ცენტრში გადაიყვანეს და მისი მდგომარეობა ამ დრომდე მძიმეა.

ბრალდებული, 24 წლის შ.გ. დაკავებულია და დანაშაულს აღიარებს. მას დანაშაულის ჩადენის მოტივად გენდერული დისკრიმინაცია დაუდგინდა. თბილისის საქალაქო სასამართლოს მოსამართლემ აღკვეთი ღონისძიების სახით პატიმრობა შეუფარდა.