პარლამენტის თავმჯდომარე არჩილ თალაკვაძე შატილის გზაზე მომხდარ ტრაგედიას გამოეხმაურა და აღნიშნა, რომ ეს მთელი ქვეყნის დანაკარგია.

"შემაძრწუნებელი ტრაგედია მოხდა სოფელ ბისოსთან. ვუსამძიმრებ ავტოსაგზაო შემთხვევის შედეგად დაღუპულთა ოჯახებს და ახლობლებს. ეს მთელი ქვეყნისთვის დიდი დანაკარგია.
ყველაფერი კეთდება დაშავებულთა დასახმარებლად და იმედია, მათ გადარჩენას მაშველები და ექიმები შეძლებენ", — განაცხადა არჩილ თალაკვაძემ

შატილის გზაზე ავტოსაგზაო შემთხვევას 12 ადამიანი ემსხვერპლა, 3 კი მძიმედ დაშავდა.

უწყების ცნობით, მიკროავტობუსი გადავარდა კლდოვან ფერდობზე, დაახლოებით 80 მეტრის სიმაღლიდან. დაშავებულები მაშველებმა უსაფრთხო ტეროტორიაზე უკვე ამოიყვანეს, რომლებიც სასწრაფო სამედიცინო დახმარების ჯგუფებს საავადმყოფოში გადაჰყავთ.