მეხანძრე-მაშველებმა ლენტეხში სტიქიის შედეგად წაღებულ ერთ-ერთ ხიდზე სამაშველო-საბაგირო მაგისტრალი გაჭიმეს, ამის შესახებ ინფორმაციას საგანგებო სიტუაციების მართვის სამსახური ავრცელებს.

აღნიშნული მაგისტრალის მეშვეობით, გარე სამყაროს მოწყვეტილ სოფელ მუთბის მოსახლეობას შესაძლებლობა აქვს, საჭიროების შემთხვევაში პირველადი მოხმარების ნივთები, პროდუქტი ან მედიკამენტები მიიღოს.

ადგილზე მობილიზებულია შესაბამისი სპეც ტექნიკა და ხიდის აღდგენითი სამუშაოების ამინდის გაუმჯობესებასთან ერთად დაიწყება.

ლენტეხის მუნიციპალიტეტში ძლიერმა წვიმამ მრავალი დაზიანება გამოიწვია. წაღებულია საავტომობილო და საფეხმავლო გზები, დაზიანდა სამი ხიდი. მუნიციპალიტეტის გავრცელებული ინფორმაციით, ჩოლურის და ლაშხეთის თემები მთლიანად გარე სამყაროსაა მოწყვეტილი და ამ სოფლებთან მხოლოდ სატელეფონო კავშირი არსებობს.