ირანმა ადგილობრივი წარმოების ბალისტიკური და დაბლა მფრინავი საკრუიზე რაკეტა გამოსცადა. რაკეტებს ორი ყველაზე მნიშვნელოვანი გენერლის, ყასემ სოლეიმანისა და აბუ მაჰდი ალ მუნდის სახელები ჰქვიათ. ისინი იანვარში ბაღდადის საერთაშორისო აეროპორტში აშშ-ის მიერ განცხორციელებული ოპერაციის შედეგად დაიღუპნენ.

აღნიშნულ გადაწყვეტილებას ამერიკის შეერთებული შტატების მხრიდან კრიტიკული განცხადებები მოჰყვა. ქვეყანა აპირებს, გაეროს მიმართოს ირანზე სანქციების თავიდან დაწესების თხოვნის მიზნით.

Aljazeera-ს ცნობით, სახელმწიფოს მფლობელობაში მყოფმა ტელევიზიებმა განაცხადეს, რომ ხუთშაბათს ამ ორი მნიშვნელოვანი რაკეტის გამოცა ეროვნული თავდაცვის ინდუსტრიის დღეს დაემთხვა.

ასევე Aljazeera ამბობს იმასაც, რომ თავდაცვის მინისტრის, ამირ ჰატამის განცხადებით, პირველ ბალისტიკურ რაკეტას 1 400 კილომეტრიანი, ხოლო მეორეს 1 000 კმ-იანი მასშტაბი ექნება. აღნიშნული გადაწყვეტილებით, ირანი იგნორირებას უკეთებს აშშ-ს მოთხოვნას, შეწყვიტოს ბირთვულ პროგრამაზე მუშაობა.

მათივე ინფორმაციით, ირანული რაკეტების გამოცდა უფრო გააძლიერებს ქვეყნის შემაკავებელ ძალას, რაც ქვეყნისთვის ძალიან მნიშვნელოვანია, თუმცა ირანის პრეზიდენტის მტკიცებით, სამხედრო ძალაც და სარაკეტო პროგრამებიც თავდაცვითი ხასიათის მატარებელია.