ქართული ოცნების დეპუტატი, დავით მათიკაშვილი საკუთარ ფეისბუკგვერდზე მიხეილ სააკაშვილის წულუკიანისადმი შეურაცხმყოფელ გამონათქვამს ეხმაურება და მას "სრულიად დეგრადირებულ" პიროვნებას უწოდებს.

"გენდერული თავდასხმის მიღმა რამხელა სიძულვილი და ბოღმა ამოძრავებს ამ ადამიანს ჩანს ყველგან და ყველაფერში. სიტყვა "მახინჯის" მნიშვნელობა რომ იცოდეს მიხეილ სააკაშვილმა, საკუთარ ერს და ქვეყანას ბოდიშს მოუხდიდა იმ მართლაც მახინჯი და კრიმინალური მმართველობისთვის, რითაც 9 წლის განმავლობაში თავი დაამახსოვრა სრულიად საქართველოს.

მართლმსაჯულების აღსრულებას ვერ აცდება ვერავინ და მიხეილ სააკაშვილიც აუცილებლად აგებს პასუხს ქართველი ხალხის წინაშე!!!" — წერს მათიკაშვილი.

გუშინ, 18 აგვისტოს, საქართველოს ექსპრეზიდენტმა, მიხეილ სააკაშვილმა იუსტიციის მინისტრი თეა წულუკიანი შეურაცხმყოფელად მოიხსენია. ოფიციალურ ფეისბუქ გვერდზე სააკაშვილმა გააზიარა წულუკიანის ციტატა მის შესახებ — "სააკაშვილს აქვს შიში, რომ ჰააგაში დავას წააგებს" — რომელსაც ზედ დააწერა: "ეს მახინჯი საქართველოს გამტყუნებაზე ოცნებობს და ჩალიჩობს".