საქართველოს პარლამენტის ეროვნულ ბიბლიოთეკას უნიკალური ქართული ძველნაბეჭდი გამოცემები, მათ შორის ვახტანგ VI-ის სტამბის გამოცემა და ბიბლიოგრაფიულ იშვიათობად ქცეული ჟურნალები გადაეცა.

ფოტო: საქართველოს პარლამენტის ეროვნულ ბიბლიოთეკა

უნიკალური გამოცემები ეროვნულ ბიბლიოთეკას თერჯოლის მუნიციპალიტეტის ბიბლიოთეკამ გადასცა, რომელსაც, თავის მხრივ, ეს უიშვიათესი ბიბლიოგრაფია კერძო პირმა საკუთარი კოლექციიდან ჩააბარა.

უნიკალურ გამოცემებს უახლოეს მომავალში ჩაუტარდება რესტავრაცია და ეროვნული ბიბლიოთეკის იშვიათ გამოცემათა ფონდში დაიდებს ბინას.

ბიბლიოგრაფიულ იშვიათობად ქცეული გამოცემების ეროვნული ბიბლიოთეკისთვის გადაცემა საქართველოს პარლამენტის დეპუტატის, განათლების, მეცნიერებისა და კულტურის კომიტეტის წევრის, სიმონ ნოზაძის ძალისხმევით გახდა შესაძლებელი, რისთვისაც ეროვნული ბიბლიოთეკა მას მადლობას უხდის.

ფოტო: საქართველოს პარლამენტის ეროვნულ ბიბლიოთეკა