ტელეკომპანია რუსთავი 2-ის დაკვეთით ჩატარებული კვლევის თანახმად, კითხვაზე — "საპარლამენტო არჩევნები დღეს რომ ტარდებოდეს, რომელ პარტიას მისცემდით ხმას", გამოკითხულთა 52% ქართულ ოცნებას ასახელებს, 19% — ერთიან ნაციონალურ მოძრაობას, 8% კი ევროპულ საქართველოს. ხმათა 5-5% აქვს პატრიოტთა ალიანსსა და ლელოს, ხოლო 4% — ახალ საქართველოს. ასევე, გამოკითხული მოსახლეობის 7% ასახელებს, რომ ხმას სხვა რომელიმე პარტიას მისცემდა.

აღსანიშნავია, რომ კვლევაში არ არის მოცემული გადაუწყვეტელი ამომრჩევლის რაოდენობა. როგორც მოგვიანებით რუსთავი 2-ის ეთერში ტელეკომპანიის ჟურნალისტმა თქვა, ასეთი ამომრჩეველი დაახლოებით 30%-ია.

ფოტო: რუსთავი 2

რუსთავის 2-ის დაკვეთით, კვლევა ბრიტანულმა კომპანიამ Survation-მა 15 ივლისიდან 24 ივლისის ჩათვლით ჩაატარა. თბილისსა და რეგიონებში, საარჩევნო ასაკის მქონე 1 200 რესპონდენტი პირისპირი ინტერვიუების გზით გამოიკითხა. საშუალო ცდომილების ზღვარი +/- 3%-ია.