ავიაკომპანია Aegean Airlines-ი ათენი-თბილისი-ათენის მიმართულებით ჩარტერულ რეისს შეასრულებს. ამის შესახებ ინფორმაციას საქართველოს სამოქალაქო ავიაციის სააგენტო ავრცელებს.

ფრენები, 21 და 22 აგვისტოს, შემდეგი განრიგით შესრულდება:
21 აგვისტო, ათენი - თბილისი (გამოფრენა 23:30, მოფრენა 03:20);
21 აგვისტო, თბილისი - ათენი (გაფრენა - 04:10, ჩაფრენა 06:05);

ავიაციის სააგენტოს ცნობით, რეისი Airbus A 320-ის ტიპის საჰაერო ხომალდით განხორციელდება. მათივე ინფორმაციით, საქართველოს ეკონომიკისა სამინისტროს სამოქალაქო ავიაციის სააგენტოს მიერ, ავიაკომპანიას აღნიშნულ საჰაერო ხაზზე ჩარტერული საჰაერო მიმოსვლის განხორციელებისათვის აუცილებელი ნებართვა, 5 აგვისტოს მიენიჭა.

ეკონომიკის მინისტრმა, ნათია თურნავამ, დღეს, 6 აგვისტოს, მთავრობის ადმინისტრაციაში გამართულ ბრიფინგზე განაცხადა, რომ ფრენებთან დაკავშირებით საბერძნეთთან მოლაპარაკებები დიდი ხნის განმავლობაში მიმდინარეობდა.