ამონიუმის ნიტრატი, რომელიც ბეირუთში აფეთქების მიზეზი გახდა, საქართველოში იმყოფებოდა და ჩვენი ქვეყნის ტერიტორია ბათუმის პორტის გავლით დატოვა.

გავრცელებული ინფორმაციით, 2013 წლის 23 სექტემბერს m/v Rhosus, რომელიც მოლდოვის დროშით ოპერირებდა, ბათუმის პორტიდან მოზამბიკისკენ 2,750 ტონა ამონიუმის ნიტრატის გადასატანად გავიდა. უცნობია, რომელ ქვეყანაში დაიტვირთა გემი არ ნივთირებით.

გემის მფლობელი კვიპროსში მცხოვრები რუსი მოქალაქე იგორ გრეჩუშკინი იყო. გემს გადაადგილების პერიოდში ტექნიკური და სამართლებრივი პრობლემები შეექმნა და ბეირუთში ჩასულმა გზა ვეღარ განაგრძო, ამირომ თავისი ტვირთით ბეირუთის პორტში გაჩერდა. სამართლებრივი პროცედურების გავლის შემდეგ, მთლიანი ტვირთი იმ საწყობში ინახებოდა, სადაც 4 აგვისტოს აფეთქება მოხდა.

ვრცელდება ინფორმაციაც, რომ ნივთიერება ბეირუთის პორტის საცავში უსაფრთხოების ზომების დაცვის გარეშე ინახებოდა.