მსოფლიოს წამყვანი ტექნოლოგიური კომპანია Glovo და ყველასთვის ცნობილი სწრაფი კვების რესტორნების ქსელი McDonald’s ექსკლუზიური პარტნიორები 1 აგვისტოდან გახდებიან.

პარტნიორობის ფარგლებში, McDonald’s-ის საყვარელი ბურგერების გამოძახება Glovo-ს დაფარვის ზონის ხუთივე ქალაქში 1 აგვისტოდან იქნება შესაძლებელი. ამიერიდან მეგობარი კომპანიები საერთო აქციებით განებივრებას ჰპირდებიან მომხმარებლებს. "გაითვალისწინეთ, რომ თბილისსა და ბათუმში, 24/7-ზეა შესაძლებელი საყვარელი ბურგერებისა თუ მენიუების გამოძახება. მაგრამ ზაფხულის სეზონზე ძალიან მნიშვნელოვანია, რომ McDonald’s-ის ნებისმიერი პროდუქტი, ძალიან სწრაფად აღმოჩნდება ზღვის სანაპიროზე. მზის ჩასვლა არასოდეს ყოფილა ასეთი გემრიელი", — აცხადებენ გლოვოში.

Glovo უკვე 2 წელზე მეტია საქართველოში ოპერირებს. მისი მეშვეობით 24 საათის მანძილზე, დღისა და ღამის ნებისმიერ მონაკვეთში შეგიძლიათ ისარგებლოთ როგორც საკვების, ისე ფარმაცევტული პროდუქციის, პარფიუმერიის, ტექნიკისა და სხვადასხვა საყოფაცხოვრებო ნივთების შეკვეთის მომსახურებით. Glovo-თი სარგებლობა ამჟამად საქართველოს 5 ქალაქში: თბილისში, რუსთავში, ქუთაისში, ბათუმსა და ზუგდიდშია შესაძლებელი.

Glovo ტექნოლოგიური კომპანიაა, რომელიც შესაძლებლობას გაძლევთ იყიდოთ, აიღოთ და გაგზავნოთ ნებისმიერი პროდუქტი იმავე ქალაქში, ერთ საათზე ნაკლები დროის განმავლობაში. აპლიკაციას ამჟამად 1.8 მილიონი ყოველთვიური მომხმარებელი და 25,000 ასოცირებული პარტნიორი ყავს. Glovo ოპერირებს 26 ქვეყნის მასშტაბით ევროპაში, ლათინურ ამერიკასა და აფრიკაში. დამატებითი ინფორმაციისთვის ეწვიეთ შემდეგ გვერდს: www.glovoapp.com