სტრატეგია აღმაშენებლის ლიდერი გიორგი ვაშაძე დარწმუნებულია, რომ ქვეყნის პრემიერმინისტრი გახდება. ამის შესახებ მან გუშინ, 30 ივლისს რამდენჯერმე განაცხადა.

"ის, რაც დღეს ვთქვი, ამაში აბსოლუტურად დარწმუნებული ვარ, მე გავხდები ამ ქვეყნის პრემიერ-მინისტრი, პირდაპირ ვამბობ, იმიტომ, რომ ჩემი მთავარი მიზანია, რომ არც ერთი მშიერი ბავშვი არ იყოს ქვეყანაში და არავის არ უწევდეს ნაგავსაყრელზე საჭმლის პოვნა და ამისთვის გავაკეთეთ ჩვენ "სტრატეგია აღმაშენებელი, ამისთვის დავწერეთ უამრავი გეგმა", — განაცხადა ვაშაძემ ფორმულას ეთერში.

ვაშაძემ საარჩევნო პროცესი დაიწყო და სტრატეგია აღმაშენებელი და მისი ლოგოც წარადგინა. მან თაკო ჩარკვიანთან ერთად ოპოზიციის გაერთიანება ძალა ერთობაშია დატოვა და ერთად აპირებენ არჩევნებში მონაწილეობას.