ეკონომიკისა და მდგრადი განვითარების მინისტრის, ნათია თურნავას განცხადებით, ქუთაისის საერთაშორისო აეროპორტში ახალი ტერმინალის მშენებლობა დასასრულს უახლოვდება

თურნავას განცხადებით, დასრულებულია ფასადის, ვიტრაჟებისა და სახურავის მოწყობის სამუშაოები. მისივე თქმით, მოეწყო ახალი სამგზავრო ტრემინალის ტერასა და სასეირნო ბილიკები მწვანე გადახურვით.

ეკონომიკის სამინისტროს ცნობით, სარემონტო სამუშაოების დასრულების შემდეგ, განახლებულ აეროპორტს 7 გასასვლელი (ე.წ. Gate) ექნება და საათში 1 200 მგზავრის გატარებას შეძლებს.

თურნავა აეროპორტში აშშ-ის ელჩთან, კელი დეგნანთან ერთად იმყოფებოდა.