პრემიერმინისტრის, გიორგი გახარიას განცხადებით, შესაძლოა, რაჭაში სტიქიის შედეგების აღმოხვრას, შესაძლოა, 50 მილიონ ლარამდე დასჭირდეს. მისი თქმით, ამ თანხიდან 30 მილიონი მხოლოდ მაგისტრალური გზების აღდგენის სამუშაოებზეა საჭირო.

"რეალურად მაგისტრალურ გზაზე არის სერიოზული ჩამონგრევები, სამი სექტორია, სადაც 250-მეტრიანი დაახლოებით 4 ხიდია, რომელიც სრულად არის აღსადგენი. ჩვენი პირველადი შეფასებით, მხოლოდ მაგისტრალური გზების აღდგენა დამატებით 30 მილიონ ლარს საჭიროებს. საერთო ჯამში, აი, ამ სტიქიის შედეგების აღმოფხვრას შეიძლება 50 მილიონ ლარამდე დასჭირდეს", — თქვა გახარიამ.

გახარიას განცხადებით, 12 სოფელი კავშირს იყო მოწყვეტილი და აქედან 4-თან დროებით აღდგა კავშირი, 2 სოფელთან კი ორშაბათისთვის აღდგება. მისივე თქმით, სოფლებთან ღები, პატარა ღები, გლოლა და შოვი, გზა იმდენად სერიოზულადაა დაზიანებული, რომ კავშირის აღდგენას, დაახლოებით, 1 თვე დასჭირდება, ელექტროენერგიის აღდგენა კი კარგი ამინდის პირობებში 7-10 დღეში მოხერხდება.

პრემიერის თქმით, ამ სოფლებს ყველა საჭირო პროდუქტითა და ნივთით მოამარაგებენ.