რეაბილიტირებულ ჭავჭავაძის გამზირზე საზოგადოებრივმა ტრანსპორტმა საწინააღმდეგო მიმართულებით სატესტო რეჟიმში მოძრაობა დაიწყო. მძღოლები გამზირის დასაწყისში დაახლოებით ღამის ორი საათვისთვის შეკრიბეს, სადაც მათ მოძრაობის ახალი წესების შესახებ ინფორმაცია გააცნეს.

თბილისის მერის, კახა კალაძის თქმით, 30 ივლისიდან, სამი ღამის განმავლობაში, ღამის 00:00 საათიდან დილის 04:00 საათამდე ვარაზისხევიდან წერეთლისა და თამარაშვილის ქუჩებამდე ეს მონაკვეთი ჩაიკეტება იმ მოტივით, რომ მძღოლებმა გზა სატესტო რეჟიმში გაიარონ.

საზოგადოებრივი ტრანსპორტის საპირისპირო მიმართულებით სიარული მას შემდეგ გახდა საჭირო, რაც ჭავჭავაძეზე გაჩერებები გზის შუაში დააყენეს. მერიის ამ გადაწყვეტილებას მოქალაქეების მხრიდან კრიტიკა მოჰყვა. თუმცა როგორც ქალაქის მერი, კახა კალაძე ამბობს, აღნიშნული გადაწყვეტილება საზოგადოებრივი ტრანსპორტის შეუფერხებლად გადაადგილებისთვის მიიღეს.

ფოტო: ხატია ღოღობერიძე / On.ge

ფოტო: ხატია ღოღობერიძე / On.ge