2017 წელს ეკრანებზე ახალი ქართული ფილმი ჩემი ბედნიერი ოჯახი გამოვა.

რეჟისორ ნანა ექვთიმიშვილისა და სიმონ გროსის წინა ნაშრომი გრძელი ნათელი დღეები ძალიან წარმატებული აღმოჩნდა. ის ასზე მეტ კინოფესტივალზე აჩვენეს, მსოფლიოს რამდენიმე ქვეყნის კინოგაქირავებაში მოხვდა და 2013 წლის ყველაზე წარმატებულ საფესტივალო ფილმადაც დასახელდა. ჩემი ბედნიერი ოჯახი ექვთიმიშვილისთვის და გროსისთვის მეორე ერთობლივი ნამუშევარია.

სიუჟეტი თბილისური ოჯახის გარშემო ვითარდება, სადაც სამი თაობის წარმომადგენლები ერთ ჭერქვეშ ცხოვრობენ. მოვლენების ცენტრში ქართული ენისა და ლიტერატურის პედაგოგი მანანა მხეიძეა, რომელიც ერთ დღეს საკუთარი ცხოვრების შეცვლას მოინდომებს. ჩემი ბედნიერი ოჯახი საქართველოს, გერმანიისა და საფრანგეთის ერთობლივი კინოპროდუქციაა, რომელიც საქართველოს კინემატოგრაფიის ეროვნული ცენტრისა და კინემატოგრაფიის ევროპული ფონდის ევრიმაჟის ხელშეწყობით შეიქმნა. ფილმის გადაღებაში საკუთარი წვლილი შეიტანა კინოინდუსტრიის წახალისების სახელმწიფო პროგრამამ "გადაიღე საქართველოში".

გაიცანით ფილმის პერსონაჟები:

მანანა - ია შუღლიაშვილი

ფოტო: My Happy Family / ჩემი ბედნიერი ოჯახი

მანანა ქართული ენისა და ლიტერატურის მასწავლებელია, ცხოვრობს თბილისში, მშობლებთან, ქმართან, შვილებთან და სიძესთან ერთად.

სოსო - მერაბ ნინიძე

სოსო - მანანას მეუღლეა და მის ოჯახშია "ჩასიძებული". ცხოვრობს მეუღლესთან, მეუღლის მშობლებთან, შვილებთან და სიძესთან ერთად.

ლაშა - გიორგი ტაბიძე

ფოტო: My Happy Family / ჩემი ბედნიერი ოჯახი

მანანასა და სოსოს შვილი

ნინო - ცისია ქუმსიშვილი

ფოტო: My Happy Family / ჩემი ბედნიერი ოჯახი

მანანასა და სოსოს შვილი

ვახო - გიორგი ხურცილავა

ფოტო: My Happy Family / ჩემი ბედნიერი ოჯახი

ნინოს მეუღლე

ლამარა - ბერტა ხაფავა

ფოტო: My Happy Family / ჩემი ბედნიერი ოჯახი

მანანას დედა

ფილმის მსოფლიო პრემიერა იანვარში, სანდენსის კინოფესტივალზე გაიამრთება.