პროკურატურის განცხადებით, დააკავეს პოლიციელი, რომელიც სოფელ არაგვისპირთან ავარიაში მოხვდა, რასაც არასრულწლოვანი ემსხვერპლა. უწყების განცხადებით, ინსპექტორ-გამომძიებელი ნასვამ მდგომარეობაში იყო.

საქმეზე გამოძიება საქართველოს სისხლის სამართლის კოდექსის 276-ე მუხლის მე-7 ნაწილით მიმდინარეობს, რაც ალკოჰოლის ან ნარკოტიკული/ფსიქოტროპული/ახალი ფსიქოაქტიური ნივთიერების ზემოქმედების ქვეშ ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.