ჯანდაცვის ყოფილი მინისტრისა და საბურთალოზე ქართული ოცნების მაჟორიტარობის კანდიდატის, დავით სერგეენკოს განცხადებით, ალეკო ელისაშვილის "არ ეშინია". ასე უპასუხა მან პალიტრანიუსის ეთერში ჟურნალისტის კითხვას ელისაშვილის განცხადების შესახებ, რომლის მიხედვით, "ოცნებამ" საბურთალოზე სერგეენკო იმიტომ დაასახელა, რომ მისი ეშინია.

"არ მეშინია, რატომ უნდა მეშინოდეს? არანაირად არ მეშინია. არც როგორც კონკურენტის და არც... შესანიშნავია, თუ ისე მოხდება, რომ ის კონკურენციას გაწევს, თუ ისე მოხდება, რომ ის ღირსეული მეტოქე იქნება. ღირსეულ მეტოქესთან ყოველთვის ძალიან კარგია ასპარეზობა, გინდა პოლიტიკურ ველში და გინდაც სპორტულში. თუმცა შიშით არც მე არ მეშინია და არც ჩემს გუნდს არ შეშინებია და მისი შიშით მე არ დავუყენებივარ", — განაცხადა სერგეენკომ.

მას შემდეგ, რაც ქართულმა ოცნებამ საბურთალოზე მაჟორიტარობის კანდიდატად დავით სერგეენკო დაასახელა, ალეკო ელისაშვილმა, რომელსაც ასევე საბურთალოზე სურს მაჟორიტარობა, განაცხადა, რომ მისი ეშინიათ და ამიტომ დაასახელეს სერგეენკო.