ამერიკელი კოსმონავტი, ჯონ გლენი 95 წლის ასაკში გარდაიცვალა. BBC-ის ცნობით, გლენმა კოლუმბუსში, ოჰაიოს შტატის ერთ-ერთ საავადმყოფოში გაატარა უკანასკნელი ერთი კვირა, სადაც თავისი შვილებისა და მეუღლის გარემოცვაში გარდაიცვალა. მას არლინგტონის ეროვნულ სასაფლაოზე, ვირჯინიაში დაკრძალავენ.

ჯონ გლენი პირველი კოსმონავტია, რომელმაც 1962 წლის თებერვალში დედამიწას შემოუარა. იგი დედამიწაზე დაბრუნების შემდეგ, 1964 წელს, სენატის წევრი გახდა, სადაც მომდევნო 25 წელი გაატარა. 1998 წელს კი, მისი ისტორიული გაფრენიდან 36 წლის შემდეგ, 77 წლის ასაკში, მეორედ გაფრინდა და დედამიწის ყველაზე მხცოვანი კოსმონავტი გახდა. ჯონ გლენი სამხედრო პილოტადაც მსახურობდა მეორე მსოფლიო ომსა და კორეის ომში.

2012 წელს, პრეზიდენტმა ბარაკ ობამამ გლენი თავისუფლების საპრეზიდენტო მედლით დააჯილდოვა.

NASA ჯონ გლენის სიკვდილს ფეისბუქზე გამოეხმაურა და იგი მოიხსენია, როგორც "ნამდვილი ამერიკელი გმირი".